|
|
|
|
-••- الفعآليآت-••- |
 |
|
|
|
|
الإهداءات |
|
 |
 |
|
||||||||||
 |
 |
| منتدى الصرقعة والوناسة نكت , ضحك , وناسة , فرفشة , طرائف , مواقف مضحكه , استهبال , تعليقات , قصص مضحكة |
| كاتب الموضوع | دفين الجرح | مشاركات | 5 | المشاهدات | 212 |
|  |
| انشر الموضوع |
| Tweet |
|
|
أدوات الموضوع | انواع عرض الموضوع |
24-02-2007, 09:51 PM
|
#1 | |
|
乂.·° دلــع جديد °·.乂
|
مشــكلتي مـع اهلي يوم شكــوا اني اكلم بنــت (( احداث و فضايح ووقائع دمويه ))
. . . برايفت للغالي.......!! لعنبو ابليسك انا اعطيك رقمي واقولك شبكني مع بنات اخر الليل تجيني رساله ومكتوب فيها (( اذا تبي تطلع معي ارسلي شحن سوا )) وانا اللي انط وعلى طول بدون تردد ادق على الرقم ،،، وشوي ما اسمع الا صووت من خشوونته تحس انك فارش فرشك داخل شكمان قلاب وبعد اخذ وعطى ،، طلع هذا ...!! متطلم وعلى باله يقلد صوت بنت المووهم زبده موضوعي اليوم انه اهلي قاعديلي ،،، متعلقين في رقبتي ،،، في كل صغيره وكبيره يدخلون فيها طاري بنت ،،، اقولهم باطلع يقولون منهي اللي بتطلع معها اقوولهم باكلم تلفون يقولون منهي هذي ؟!! ،،، اقولهم بارووح انام ،،، يقولون نام والمبه مفتوحه عشان لا تحلم ببنت <<< هذي حالته وانا باعطيكم الحاقايق من اول وقولولي هل انا مظلوم او هم معم حق ~~~~ ايام المبزره ~~~~ لما كنت في الثانوي ،،، كنت شاب يافع ينشد به الظهر ،،، لدرجه انه كل يوم ارجع للبيت وانا منضرب ،، وتطالعني امي بنظره اسى وحزن وانا اقولها ،، ترى اعجبك ما بكيت ولا نزلت دمعه كنت نحيل الجسم ،،، قصير القامه <<< قول قزم وفكنا كنت اقوم قبل الدوام بساعه ،،، ارز وجهي عند المرايه والعب في الشنب اللي مستانس انه طلعلي ،،، وكانت امي كل صبحيه تقولي يادفين لعنبو ابليسك لو شنبك تكلم كان اشتكى ،،، اعتقه لوجه الله وانا اللي ما اهتم واسالها ،،، يماااااه ،،، الشنب يكون متوارث ؟؟ ترد الوالده وعلى بالها انه هذا سؤال في الاحساء واني مهتم قالت ليه السؤال يا وليدي ؟!! رديت وقلت ،،، لانه اخاف يطلعلي شنب مثل حق ابوي ،،، تقولين من كثافته كانه غابه الامازون ماله حدود <<< يذب على ابووه شوي ما القى الا طبعه في المرايه عباره عن طبعه خشمي الطويل زائد(ن) براطمي << ابد امه ما صكت راسه بالمرايه كان كل همي وانا في الحصه انه كيف اخوي الصغير يهزمني في البلاي ستيشن ،،، وليه اللي جنبي يلعب في خشمه واذا طلع منه شئ يقعد يطالع فيه على باله بيحتفظ بيه مرت السنوات ،،، و الحل ما تغيرت ،،، الى ان جاء يوم وقالوا اهلي دفينوه ،،، اخوالك ازعجونا يبونك تروح جده ،،، ها وش تقول ؟!! وانا اللي تطلعلي سحابه فوق راسي واول شئ فكرت فيه واااااو ،، جنقل لاند ،، ونااااسه <<< شفت البراءه كيف وانا اللي اشيل عفشي والى جده طبعا كان احسن مافيني انه من صغرتي وانا احب اكشخ ،،، فكنت الاحظ على خالي هناك انه ياخذني معه في كل مكان ،،، مع العلم انه اول كنت اذا قلتله باجي معك البقاله اللي جنبنا يقول انقلع لاتوطاك وما اشوفه الا تقزز في الخليقه ،، بس لا لا لا مو الخليقه،،الا البنات بالذات وكان اذا مر من جنب بنت يهز يدي وما يدري انه هزته كانه واحد رافعني من راسي ويرجف فيني رجف ،،، المهم يهز يدي ويقولي ابتسم ،،، وانا اللي افتح خشتي كذا ،،، ومن زود ماني فاتحها وصله اللحمه اللي لها شهر متعلقه في ضرسي بانت وكانت نهايه مبزرتي اني عرفت شئ جديد علي وهو (( التعرف على البنات والبصبصه )) ~~~~ ايام الجامعه ~~~~ اللي اختلف فيها عن ايام المبزره ،،، اني صرت طوووويل <<< لاحظوا المده وانه العنقز اللي كان في وجهي راح ،،، واني رحت درست في الخبر كنت ما اعرف شئ اسمه راشد ،، كانوا اذا قالوا بنروح الراشد ،،، اطالع فيهم بنظره استخفاف وفي نفسي اقول ،،، انا وش طيحني بين بزران يبون يلعبون في الملاهي وبعد مده عرفت الراشد ،،، وعرفت حل نص تساؤلاتي ايام المبزره ومنها ليه دائما الزباله في المجمعات مليانه من قصاصات الورق ؟؟ وعرفت ليه اذا انا شفت ورقه على كاونتر اخذها وارميها في الزباله يجي صاحب الورقه ويتوطى في بطني <<< قايلكم انسان برئ وحبيب وبعد كم سنه ،،، وصلت لمرحله اني عرفت (( كل شئ عن حركات الشباب مع البنات )) ~~~~ بعض الاحداث ~~~~ مع قناعتي انه مافي بنت بتملى عيني ،،، ومافي بنت ممكن تاخذ محل بريتني سبيرز في قلبي ،،، الا انه لازم نواكب التقوودم ومن هذا التقوودم ،،، ليه ما اكلم بنات انا وش يفرق عني وعن بو شنب هذاك اللي كل وجهه تجاعيد وقبل ما يطلع اشك انه يحط المكوى على خده ،،، ايه وش يفرق عني وهو بس 24 ساعه يكلم بنات <<< ايه خبرك من النصب يقول انا احلى من توم كروز ومن هنا بدات معاناتي ،،، مالقيت بنت تعطيني وجه ،،، حتى اني حاولت اتلزق في اللي تبيع طراطيع عند فؤاد سنتر ،،، ما دريت الا 5 تكارنه فوق راسي ومعلقيني في المراجيح ومرت الايام ،،، والشهور ،،، الى ان فقدت الامل نهائيا وكنت كل ما اشووف بنت قدامي ،،، تجي في بالي صوره بنت عمي اللي اهلي ملزقيني فيها ،،، واتذكر همسها معي وغمزاتها وطبعا بنت عمي اذا وصلت لاقصى مراحل رومانسيتها ،،، تجي تمسكني من اذني وتشدني الى ان توصلني للدرج ،،، وتقولي اذلف لالعن خامسينك <<< يا عالم ليه الكل يتقوى علي وفي مره من المرات رحت الفراش بدري ،،، لانه بنت عمي طلقت انه ما اكل معها في سفره وحده لانه تجيها حاله ضرب هستيريه وماهي الا دقائق ويرن الجوال انا : الووو المتصل : خالد موجوود طبعا في هذي اللحظه ساد الصمت من ناحيتي ،،، يا لهوتي ،، كاني اسمع صوت بنت ،،، وانا اللي ارجع واقول ... الووووو ايووه ،، خالد موجود لا والله خالد مو موجود ،، من اقله عشان اخليه يتصل عليكي (( طبع(ن) لاني فطين فانا ناوي اكلمها على اني خالد بعدين )) <<< يالدلخ يعني كانها ما عرفت صووتك المووهم نكمل قالت اوكي من معي وانا اللي اتذكر كلام ابوي لما يقولي ،،، لا يلعبون عليك اولاد الحاره ،، ولا تاخذ حلاو من احد ،،، واسم امك لا تعلمه ،،، فقلت مدام اسم امي ما اقوله ،، نسنتج انه اسمي بعد ما اقوله :s فصرفت لها اي اسم قلت معك بدر اها ،،، اوكي معك بدور اوكي اسمي احمد انا بعد اسمي حمده اوكي انا خالد اللي تبينه يا حظي ،، انا بعد اسمي خلوود الا البنت تشبكني وانا اللي اتذكر مقوله واحد من الشباب ،،، تبي تشبك البنت ،، خلها تفطس ضحك ،،، وعلى طوول قلت لها انا عبسي طبعا كاتم الضحكه واستناها تقولي ،،(( انا عبسيه )) شوي ما اسمع الا صووت طوووط طووووط طووووط وانا اللي تقفل معي ،، وارووح ركض للحمام ،،، وافرش اسناني قلت يمكن ريحه فمي ما اعجبتها وتمر الايام ويجيني رقم غريب مثل الاول وانا الي ارد ،، وما اسمع غير هذاك الصووت اللي يرد الرووح ويخلي القلب بس يقول طربق طربق برايفت !!!!! امسك نفسك لا تهز يكفي اخر مرره كبيت الشاهي المهم وانا اللي اتذكر المره الاولى لما استخفيت دمي وقفلت في وجهي وقلت مالها الا ثقل الوو هلا ،، ممكن نتعرف ليه نتعرف ،، وش شايفتني واحد من الشارع<<< اخس يالقوي لا بس ناخذ ونعطي في الكلام اقوول اسمعي ،،، انا ماني راعي هالركات ،،، تحسبين ما وراي ظهر قسم(ن) لاجيب اختي عليكي وربي لتنفت حواجبك طبعا البنت فاطسه ضحك وانا اقوول عسى بعد هالضحكه القبر انشاءالله وردت وي ليه انت كذا وي تويوي في بطنك قولي اميين والبنت بس تشهق من الضحك بصراحه لما شفت البنت تضحك وانا اللي استانس وارووح ركض لاختي الصغيره واقولها بسررعه عطيني سبه وهي اللي تطالع في وجهي وتقول (( بنك بانثر )) وانا اللي استانس ولما جيت باسب البنت ،، طالعت في اختي وقلت لعنبو ابليسك هذي عيارتي وكالعاده عقابها اعلقها في النجفه المووهم البنت قالت اقوول قلت يا عيون اقوول قالت يا ملغك وطووط طوووط ومن هاللحظه عرفت انه مالي حظ مع البنات ،،، وانه مردي لبنت عمي <<< قاعد يتخيل شكله وهو لابس لبس المطبخ ويغسل الصحوون على طوول بعدها رحت ركض للمطبخ ،، ادور لحضن امي ،،، ابي احس بالحنان ،،، طبعا انمي على نياتها ،، كل ما تشوفني زعلان ،،، تروح تسويلي شوربه صينيه تااابع انزل تحت الموضوع الأصلي: مشــكلتي مـع اهلي يوم شكــوا اني اكلم بنــت (( احداث و فضايح ووقائع دمويه )) || الكاتب: دفين الجرح || المصدر: منتديات دلع السعودية
المصدر: منتديات دلع السعودية - من قسم: منتدى الصرقعة والوناسة laJJ;gjd lJu higd d,l a;JJ,h hkd h;gl fkJJj (( hp]he , tqhdp ,,rhzu ]l,di )) |
|
.
. . لي صمتي....والسكــــون ....لي أبجدية صمت خــــاصه..... 
|
|
24-02-2007, 09:53 PM
|
#2 | |
|
乂.·° دلــع جديد °·.乂
|
. . مدخل الشباب البيت بيتكم حياكم الله مدخل البنات اقمزوا من فوق هذي للبنات عشان تدخلون ====================== ====================== <<< ماهوو نذل ابد(ن) وعنصري ~~~~ سخريه القدر علي ~~~~ بعد مرور كم سنه ،،، تغير دفين ،،، صار عريض المنكبين ،،، ذو عضلات وجسم مقسم ،،، وذو عينان خضراوتان <<< يسمع بالقواعد <<< يقول في نفسه الحين العالم بتصدق اني حق عضلات المووهم تغير في اشياء كثيره ،، والغربه زادته تغير على تغير وكان من ابرز التغيرات انه صار **** <<< لعنبو ابليسكم ماحنا في شات الحين صار **** ،،، قايلها يعني قايلها ،،، دفين صار **** <<< الله من النصبه شفروها دفين صار و ~~~~~~~ س ~~~~~~ ي ~~~~~~~ م اهم شئ فهمتوها ،، يعني صرت **** راجع الجمله اعلاااه ومن هنا ،،، بدت مشاكلي مع البنات ،،، وبدات شكوك اهلي وهذي بعض الاحداث اللي صارت مرره كنت باطلع بسيارتي ،، توني مغسلها وكنت كاشخ <<< رايح المجمع اعترف وكان جارنا حساوي متزوج امريكيه برايفت لاهل الحساء انا قاهرني شئ واحد فيكم ،،، يا تجوون بيض مرره يا تجوون سمر مرره ،، وش السر ؟!! بعض الناس يقولون السمر هم اللي يلقطوون التمر ،،، والبيض هم اللي يبلعونه المووهم هالحساوي كان مسافر ،،، فطبعا زوجته جابت اصحابها والا هم امريكان وكان عندهم بنت ،،، ااااه يا قلبي قلبااااه انا طلعت بسيارتي ،،، ورافع صوت الاغاني <<< ما يسمع الا غربي شويه انه البنت الحلوه توجه لي كلمه كانت في الصميم وهي : ٍSTUPID IDOT معناها انا احبك طبعا تحسبني ما اتكلم انجليزي فرديت عليها GO TO HELL معناها امووت فيكي انا <<< شكله بينشات من المنتدى <<< يحلف انه نص اللي بيقرون الموضوع ماراح يعرفون معناها وبعدها انا قمت انواع التبصبص ،،، وتعرفون البنت اذا استحت تقفل الباب الا شوي ،،، بعدين تلمحك لمحه ،، وتقفل الباب ،،، وتلمحك لمحه ،، وتقفله ،، وهاتك من الابتسامات كملت طريقي ورحت مشواري لما رجعت البيت اول ما لقيت في وجهي الوالده وقالتلي ،،، انت يالهيس الاربد ،،، ليه تلعب في بنات الجيران <<< لا تنسون يد على خدها ويد على خصرها قلت ،، انا ،،، قسم(ن) ما سويت شئ ،،، ليه وش صار قالت ،،، الامريكيه اللي قدامنا ،،، دقت الجرس ،،، وتقول (( ممكن دفين يطلع )) 8 8 8 حالتي وانا اول ما سمعت الخبر فقلت للوالده ،،، وانتي وش قلتي ،،، قالت ،،، لا موموجود قلت لها ،، مالك داعي وربي نسيت انه اللي قدامي امي ،،، واشووف نظراتها علي قلت لها ،،، مافي شربه صينيه وانا اشووف النظرات تزداد قلت اوكي باطس انام وبعدها بكم يووم دق جرس البيت ،،، وانا اللي اطلع ويطلع معي ابو لقفه اخوي المهم كانوا بنتين ما اعرفهم ،،، في المتوسطه على ما اظن ،،، قلت نعم واشووف كل وحده تدف الثانيه ،،، شوي صاحت وحده وقالت (( ترى هذي تقول تحبـــــك )) طبع(ن) اخوي جنبي ،، لا شعوريا قفلت الباب في وجههم فسالني اخوي ،، وش يبغون ذولا ،،، قلت لا ابد يبغون مرقه ماجي <<< يسمع بالتصريف وليومك هذا اخوي يلوي يدي بالحادثه طبعا مرت الايام ،، وهدأ الوضع ورااح شك اهلي عني وفي يوم من الايام القاحله ،، وانا طالع مع صاحبي وقاعد الحس في الايسكريم قبل ما يسيح وينكب علي ،،، اتصل الوالد علي وقالي قابلني في المجمع الفلاني ابي اخذ سيارتك طبع(ن) الوالد مع اهلي ،، ويبي يعطيني سياره العائله وياخذ سيارتي والله اني شااك انه ابوي يغازل ،،، مرره راح معي المستشفى ،،، قعد يسولف مع الطبيبه السوريه ،،، حتى راتبها عرف كم المهم رايح باقابل الوالد ،،، وانا نازل من السياره المح هذيك البنت ،،، يا ربي رباااه طول عرض وجسم ،،، وكرشه ومخصر كنت مستعجل فطنشتها ،،، والا قلبي معها وهي على بالها ثقل <<< ما يعرف الثقل لو ايش اعطيت سيارتي الوالد ،، وكل واحد راح في طريقه لما اخر الليل رجعت ،، والقى الوالد في وجهي ،،، ومعصب قلت هلا ،، وش في ،، ترى جبتلك معي ماكدونالدز <<< يحسبه مثل اخوانه قال ،،، انا لما جيت اركب سيارتك لقيت هالورقه معلقه فيها ويعطيني الورقه ومكتوب فيها (( صراحه انا شفتك واعجبت فيك ،،، ما ادري بس حسيتك شبيشل هذا رقمي ودق علي في الليل )) قلت للوالد ،، حركات وتشبك من ورانا ما لقيت الا زنووبته ماخذ حيز من جبهتي قال هذي وحده حطتها لك وانا اللي اتشقق ،، وارووح وطي ،، واسرح مع احلامي الورديه وماهي الا ثواني ،،، وزنوبه ثانيه تاخذ جزء من العين زائد(ن) البرطم ومن بعدها ،،، اهلي بس يطالعون فيني ،، اذا طالع متكشخ يقولون وين رايح حتى انه واحد من اصحابي مرني بسيارته وهو مغسلها وتوها جديده ،، قالي ابوي مافي طلعه روحه بسيارتك << يحسب انه بنغازل ما درى انه انا حظي زي وجهي وزاد شك اهلي لما جت فاتوره تلفوني طبعا مو كثير ،، بس 11546 الف ريال بس للي ما يعرف اهتمامات الشاب السعوودي باسدحها هنا عشان لا يلومني اهتمامنا ،،، يا بنات ،،، يا كوره ،،، يا رسايل جوال طبعا انا بالنسبه لي مشطووب البنات فباقي الرسايل ،،، تجيني الفاتوره دفتر كله رسايل وكانت اخر حادثه ،، وكانت الطامه الكبرى ،،، مما جعل اهلي يحبسوني في البيت ،،، ويفكرون يزوجوني وهي انه مره قعدت في البيت ولا طلعت ،،، قالوا غريبه ما طلعت قلت لا ابد مشتاقلكم وابي اقعد معكم ،،، شوي الا نفتح برنامج في قطر وهو ما يطلبه المشاهدين واهداء اغاني ... الخ انا داخل جوو مع البرنامج <<< الا مع المضيعه قسم(ن) بالله شئ شوي الا تتصل وحده وقالت ابي اهدي اغنيه (( يا ناسينا )) الى دفين بن ..... بن .... ال ....... قالت اسمي الرباعي وانا اللي كنت اكل في الفصفص ولا شعوريا تفلتله في وجه اخوي وما لقيت الا انظار اهلي علي ،،، ومتفاجئين ومولعين الا بعدها بثواني تتصل وحده وتقول اهدي اغنيه (( بعدك حبيبي )) دفين بن..... ال ...... قالت اسمي الثلاثي وما لقيت الا ابوي يحجرلي في الزاويه و يصارخ على امي يقول لها جيبيلي شئ ادب فيه هالداشر وامي تركض للمطبخ وتجيله فرجار <<< يلعن ام العربجه طبعا اهلي شكوا اني قاعد في البيت هذاك اليوم لانه متفق مع وحده انها تهديني <<< وانا اقوول حوونكتي طالعه لمين وبسبب هالاحداث اهلي بدوا بالشك ،، والريبه ،، حتى انه ابوي يتصل يعيد علي وفي الاخير يقولي ،،، انتبه لا تقرب من البنات والمشكله اهلي ما يدرون انه انا ابي اشبك خدامتنا ولا قدرت حتى من زود ما ابي اجذبها دهنت شعري بزيت بس ماااش ما عطتني وجه ومن القهر كنت مع اخوي جالسين نطالع في قناتي المفضله (( سبيس تون )) واشوف كونان واقول لاخوي ،،، قز في ران قسم(ن) بالله شئ وماله داعي قناه قطر تقعد تغبر على فخوذها تراها فيلم كرتون ملاحظه ران = اللي مع كونان ،،، هذيك اللي تحب سينشي وهو مطنشها <<< بيقول القصه كلها لو في وقت واخوي معطيني اشكل واشوفه بالجوال بس يرسل ،،، المشكله ماله الا يومين مطلعله رقم سوا ،،، لما سالته وش سالفتك ازعجتنا قال يا اخي هذي بنت ناشبتلي ،، ترسلي وتتصل وتقول ياهوو افهم وانا اللي اطق اللطمه وارووح ركض لحضن امي واقولها سويلي شربه صيني وحاليا اعيش قصه حب فريده من نوعها حيث انني قاعد اسحب بخشه واحد على الماسنجر مفكر اني بنت وش السواه ،، ما لقيت اللي تعطيني وجه ،،، قلت مالها الا تماسيحنا ملاحظه كل الاحداث حقيقيه ،، يمكن ملحنا شوي ،، بس صارت مع تحيات دفين |
|
|
.
. . لي صمتي....والسكــــون ....لي أبجدية صمت خــــاصه.....
|
|
25-02-2007, 12:15 AM
|
#3 | |
|
乂.·° دلــ VIP ـــع °·.乂
|
 هههههههههههههههههههااااااي ان شااء الله تلاقي البنووته اللي في بالك مع اني مااتوقع تلاقيها مع هالحتسي اللي قلته << ماتحوب تحطم هع هع هعااااااات يسلموو ياادووب والله يعطيك الف عافيه على هيك صرقعه تـ ح ـيتي لكـ
|
|
|
|
|
26-02-2007, 08:53 AM
|
#4 | |
|
乂.·° دلــ VIP ـــع °·.乂
|
ههههههههههههههههههههههههههه
الله يزقك اخووي دفين الجررح خ خ خ خ يسلموو على القصه الراائعه تحيااتي لك |
|
|
|
27-02-2007, 09:31 PM
|
#5 | |
|
乂.·° دلع مميز °·.乂
|
ههههههههههههههههههههههااااااااااااااي
ان شاااءالله ان شااااااااااءالله ياااااااارب تلقى البنت اللي تحبهاا وتحبك لوووووووووول :) |
|
 غريبة قصة الدمعة وهي تغسل جفون العين.... تريح جفن باكيها مع انها قمة أحزانه.....
|
|
03-03-2007, 01:59 AM
|
#6 | |
|
乂.·° دلــ VIP ـــع °·.乂
|
هههههههههههههههههههههههههههههههههههههاااي
الله يرجك وش هذاا يسلمواا على هيك صرقعه ولاعااد تكررهاا دمت مبدعأ |
|
 
|
|
| مواقع النشر (المفضلة) |
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| حلويه | انوني | منتدى دنيا المأكولات | 1 | 15-02-2010 08:08 AM |
| تبي تخطبني طق ماسنجر اهلي....!! | حبيبي اسف ازعجتك | منتدى المواضيع المتكرره والمحذوفه | 1 | 30-10-2008 12:57 AM |
| تبي تخطبني تفضل طق ماسنجر اهلي | الاميرهـ الصغيرهـ | منتدى الشعر وعذب القوافي | 11 | 15-09-2008 06:32 AM |
| احداث قصات شعر | &مذهله& | منتدى الأناقة والجمال | 7 | 23-07-2007 02:16 PM |
| هاكذا عهدناك(اهلي xاهلي) | الملكـ الحزينـ | منتدى كل الرياضه | 15 | 02-05-2007 01:56 PM |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
العرض العادي
